578
Буряад Уласай Арадай Хуралай байшанда олон үхибүүтэй бүлэнүүдтэ гэр байратай болохо тухай үнэмшэлгэнүүд баяр ёһололой оршондо барюулагдаба.
Буряад Уласай Толгойлогшын уялга саг зуура дүүргэгшэ Алексей Цыденов гэр байра бариха гү, али худалдан абаха нэгэл түлэгдэхэ мүнгэн тэдхэмжын үнэмшэлгэнүүдые эдэ бүлэнүүдтэ барюулба.
Буряад Уласта зургаан үхибүүдые хүмүүжүүлдэг гэр бүлэнүүд олон боложол байна. 2016 ондо 180 эхэнэрнүүд зургаадахияа нарайлһан байна.
2011 онһоо хойшо 7-һоо дээшэ хүүгэдтэй бүлэнүүдэй гэр байра һайжаруулха программа бэелүүлэгдэжэ эхилһэн юм. 2011-2012 онуудта 33 олон үхибүүтэй бүлэнүүд гэртэй болоһон байна. 2013 онһоо 6 үхибүүтэй бүлэнүүдые гэрээр хангаха программа бэелүүлэгдэжэ эхилээ. Энэ хугасаада олон үхибүүтэй 181 бүлэнүүдэй гэр байра һайжаруулгада 392 млн. түхэригһөө дээшэ мүнгэн гаргашалагдаһан байна. 2017 ондо гэр байра һайжаруулгада түлэгдэхэ тэдхэмжэ 2,2млн түхэриг юм.
Буряад Уласта 19 мянган олон үхибүүтэй гэр бүлэнүүд ажаһуудаг. Тэдэ гэр бүлэнүүдтэ 58 мянга үхибүүд хүмүүжүүлэгдэдэг. Ородой Холбоото Улас дотор үхибүүдые нарайлха тоогоор нютаг можонуудай хоорондо Буряад улас 5-дахи һуури, Сибириин федеральна тойрогто 3-дахи һуури эзэлнэ.
