923
Апрелиин 19-дэ “Приемная семья года-2017” гэһэн уласай мүрысөөнэй түгэсхэлэй шата үнгэргэгдэхэ юм.
Энэ хэмжээ ябуулгада Кабанск, Захаамин, Бэшүүр, Хяагта болон Бабанта аймагуудай түлөөлэгшэд хабаадаха юм. Түгэсхэлэй шатада 7 гэр бүлэнүүд урилдаха.
Тэдэнэр “Золотые ручки”, “Семья, рожденная сердцем”, “Где логика?” болон бэлиг талаангаа гэршэлхэ конкурснуудта хабаадаха юм. Мүрысөөнэй һүүлээр хабаадагшад дипломууд болон үнэтэ бэлэгүүдээр шагнагдаха.
Энэ мүрысөөндэ хабаадагшадта шанга эрилтэнүүд табигдаһан байгаа. Гурбан болон тэрэнһээ дээшэ табатайһаа 17 хүрэтэр наһатай үхибүүдые хүмүүжүүлдэг, үхибүүдые хүмүүжүүлхэ талаар 3 жэлһээ ехэ дүй дүршэлтэй, тэдэнэй хүмүүжүүлгэдэ амжалта туйлаһан гэр бүлэнүүд энэ конкурсдо хабаадаха аргатай байгаа.
“Приёмная семья” гэһэн жэл бүри үнгэргэгдэдэг конкурс хадаа үншэн болон гэртэхинэй харууһагүй үлэһэн үхибүүдые үргэжэ абаһан гэр бүлэнүүдэй нэрыень дээрэ үргэхэ, гэр бүлын харилсаа болон үхибүүдэй түрэлхидтэеэ хамта зохёохы ажал ябуулга бэхижүүлхэ зорилготой юм.
