871
Буряад Уласай Толгойлогшын уялга саг зуура дүүргэгшэ Алексей Цыденов албанай хэрэгээр Ивалга аймагаар ябахадаа, түб һууринай эмшэдтэй уулзаһан байна.
2012 онда Ивалгада консультативна –диагностическа таһагтай эмнэлгын түб нээгдэһэн юм. Энэ поликлиникэдэ мүнөө үеын эмнэлгын шэнэ оньһон хэрэгсэлнүүд болон үбшэнтэндэ туһалха олон арга боломжонууд бии. Харин энэ эмхидэ түргэн туһаламжын машинанууд дуталдана. Тэдэ УАЗ 62 түхэлэй хоёр машинатай. Үшөө тиихэдэ, июнь һарын һүүлээр “Газель” гэһэн эмнэлгын шэнэ оньһон хэрэгсэлнүүдээр хангагданхай реанимационна машинатай болохо юм.
Буряад Уласай Толгойлогшын уялга саг зуура дүүргэгшэ Алексей Цыденовэй федеральна түбтэй хэлсэһэнэй ашаар Буряад Улас “Бережливая поликлиника” гэһэн түсэлдэ ороһон байна. Энэ программа 2017 оной сентябрь һарада бэелүүлэгдэжэ эхилхэ. Түсэлэй ёһоор амбулаторинууд шэнэдхэгдэхээр хараалагдана.
