683
2017 оной федеральна бюджедһээ һомологдохо мүнгэн тэжхэмжын хэлсээнэй ёһоор Буряад Уласта үншэн үхибүүдые гэр байратай болгохо хэрэгтэ 205,5 млн. түхэриг гаргашалагдахаар хараалагданхай. Тиихэдээ уласай мүнгэн һанһаа 64 млн. түхэриг, федеральна бюджедһээ 141,5 млн. түхэригһөө дээшэ мүнгэн һомологдохо юм.
Буряад Уласай Засагай газарай капитальна барилгын хорооной мэдээсэһээр, 2017 оной түрүүшын кварталда федерального бюджедһээ 18,1 млн. түхэриг, уласай мүнгэн һанһаа 8,1 млн. түхэриг мүнгэн үншэн үхибүүдые гэр байраар хангалгада гаргашалагданхай .
2017 оной январиин 1-нэй тоо баримтаар, гэртэй болохо ээлжээндэ 6481 үншэн үхибүүд оронхой. Тэдэнэй 2914 хүниинь хуулиин наһа гүйсэжэ, гэртэй болохо эрхэтэй болонхой.
