755
Үнгэрһэн амаралтын үдэрнүүдтэ Байгал шадарай, Түнхэн, Ивалга, Тарбагатай аймагуудта 40 га ойн талмайда түймэрнүүд сарагдаһан байна. Түнхэнэй байгаалиин дархан газарта (парк) 11 га талмайда һүжэрһэн түймэр унтараагдаа. Ойн харуулшад, ажаһуугшад, онсо байдалай талаар яаманай хүдэлмэрилэгшэд – хамтадаа 114 хүн, 13 түймэр сарадаг техникэ эндэ хабаадалсаа.
Буряад Уласта түймэрэй аюултай хаһын эхилһэнһээ хойшо түймэрэй гараһан 59 ушар тухай бүридхэлдэ абтаа. Түймэртэ абтаһан талмай 7,9 мянган га болоо.
Буряад Уласта түймэрэй аюултай хаһын онсо байдал соносхогдонхой гэжэ Буряад Уласай Ойн ажахын агентство һануулна. Түймэрэй гараһан тухай дүтын ойн ажахыда гү, али (83012) 20-44-44 гэһэн утаһаар дуулгыт гэжэ ойн харуулшад хандана.
