700
Мүнөөдэр Арадай Хуралай ээлжээтэ 23-дахи сесси үнгэргэгдэжэ байна.
Ородой Холбоото Уласай санашадай чемионадай дүнгүүдээр эрхим санашан гэһэн нэрэ зэргэдэ хүртэһэн Алиса Жамбаловада Арадай Хуралай түрүүлэгшэ Цырен-Даши Доржиев Хүндэлэлэй грамота барюулба. Тиигээд санашадай һорилгодо хэрэгсэлнүүдые абаха хэрэгтэ 2 млн. түхэриг мүнгэ һомолхо тухай һунгамалнууд шиидэхэбэри абаха гэжэ тэрэ хэлэбэ. Энээн тухай Буряад Үнэнэй мэдээсэлэй албан дуулгана.
- Бултандатнай баяр хүргэнэб. Үбэлэй хаһа амжалтатайгаар үнгэргөөбди. Пхёнчхан хотодо 2018 ондо үнгэргэгдэхэ Олимпиин наадануудта хабаадаха суглуулагдамал командын бүридэлдэ орохобди гэжэ найданабди,- гэжэ Алиса Жамбаловагай һоригшо, эсэгэ Саян Жамбалов хэлэбэ.
Анна Огороднигой гэрэл зураг.
