800
Һунгамал Оксана Бухольцева дуу, хатарай “Байгал” театр дэмжэхэ тухай хэлэбэ. Тэдэнэр Буряад Уласай нэрые дээрэ үргэжэ ябадаг, тиигэбэшье мүнөө болотор тэдэнэр өөрын байшангүй. Энэ хэрэгтэ Буряад Уласай Толгойлогшын нөөсын жасаһаа мүнгэ гаргашалха тухай Оксана Бухольцева хэлэбэ. Энэ асуудал, тодорхойлбол, тэдэниие дэмжэхэ, шагналда хүртэхэ, хуули ёһын талаар үндэһэлэлгэ гэхэ мэтэ асуудалнууд зүрилдөөтэй байба гэжэ Буряад Үнэнэй мэдээсэлэй албан дуулгана.
Оксана Бухольцевагай оруулһан дурадхал Бато Семёнов дэмжэжэ, энэ асуудал мүнөө сессидэ шиидхэхэ тухай хэлэбэ.
Буряад Уласай Арадай Хуралай можонууд хоорондын холбоонууд, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хорооной түрүүлэгшэ Цыденжап Батуев энэ асуудал зүбшэбэгүй.
- Иимэ шиидхэбэринүүдые шууд абажа болохогүй. Энэ асуудалаар Тоололгын танхим , Засагай газар, Арадай Хурал суг ажал ябуулха болоно.
Арадай Хуралай Түрүүлэгшэ Цырен-Даши Доржиев энэ асуудал сагһаа урид шиидхэнгүй, һайса бодожо үзөөд хэлсэхэ тухай хэлэбэ.
Дуу, хатарай “Байгал”театр Россия-1 гэһэн телеканалай “Танцуют все!” түсэлдэ амжалтатайгаар хабаадажа байна гэжэ һануулнабди. Майн 7-до энэ түсэлэй түгэсхэлэй шата харуулагдаха юм.
Буряад Уласай Соёлой яаманай сайтһаа гэрэл зураг абтаба.
