839
Буряад Уласай Арадай Хурал Эсэгэ ороноо хамгаалгын Агууехэ дайнай ветерануудые Илалтын һайндэрөөр амаршална.
Буряад Уласай хүндэтэ эрхэтэн, милициин генерал-майор Николай Васильевич Бутухановые Арадай Хуралай һунгамалнууд Агуу Илалтын һайндэрөөр амаршалһан байна. Николай Васильевич Бутуханов 1942 оной сентябрь һарада сэрэгэй албанда татагдаһан юм. Үбэр Байгалай пулемётно- миномётно һургуулида һураһанай удаа, Сталинградай 277-дохи дивизидэ Николай Васильевич дайлалдаа. Тэрэ Беларусь, Польшо гүрэнүүдые сүлөөлгын байлдаануудта хабаадалсаһан байна. 1946 оной июнь һарада сэрэгшэ нютагаа бусаа. 20-ёод жэлдэ Николай Васильевич комсосолой болон партиин ажалда ябаа, 15 жэлһээ дээшэ хугасаада Буряад АССР-эй Дотоодын хэрэгүүдэй яаман түлөөлһэн юм. Тэрэ зургаа дахин уласай Верховно Соведэй һунгамал болоо. Буряад Уласай Толгойлогшын дэргэдэхи Ахамадуудай зүблэлэй болон Ветерануудай (пенсионернүүдэй) зүблэлэй Президиумэй гэшүүн ябаһан юм. Дайнай ветеран олон тоото орден, медальнуудаар шагнагдаһан байна.
Үшөө тиихэдэ, Хурамхаан аймагай Барагхан һууринай Хурган Анхаевич Бадмаевые һунгамалнууд амаршалаа. Тэрэ хадаа 1940 ондо сэрэгэй албанда татагдаһан байна. Хурган Бадмаевые япон хэлэнэй оршуулагшын курсда эльгээжэ, дайнай жэлнүүдтэ тэрэ оршуулагша ябаһан байна. Алас Дурна зүгэй фронтын политхүтэлбэриин пропагандын таһагай лектор ябаа. 1957 оной август һарада Хурган Анахаевич нютагаа бусаа. Тэрэ Хурамхаандаа КПСС-эй аймагай хорооной захиргаанда, Кировай нэрэмжэтэ колхозой түрүүлэгшэ, арадай хиналгын хорооной түрүүлэгшээр хүдэлөө. 1977 ондо Хурган Анахаевич Буряадай АССР-эй Верховно Соведэй Президиумдэ эмхидхэлэй таһагта наһанайнгаа амаралтада гараха болотороо хүдэлһэн намтартай. Мүнөө жэл дайнай ветеран 98 наһатай болобо.
