883
2017 ондо һургуули дүүргэгшэдтэ Ород гүрэнэй техническэ дээдэ һургуулинуудта тусхай шэглэлээр түлбэригүйгөөр һуража, саашадаа ажалаар хангаха тухай Улаан-Үдын авиазавод мэдүүлнэ.
Оюутадай һуралсалай үедэ практика гарахадань, практика гараха газар хүрэтэр ошохо харгын мүнгыень энэ эмхи даажа абаха юм. Һайнаар һурадаг оюутад 2-дохи курсһаа эхилжэ, стипенди абаха гэжэ Улаан-Үдын авиазаводто мэдээсэнэ. Ерээдүйн оюутад 5 дээдэ һургуулинуудай 72 бюджетнэ һууринуудта орохо аргатай юм. Нэрлэбэл, Зүүн Сибириин Гүрэнэй технологическэ ехэ һургуулида “Технология машиностроения”, “Самолето-и вертолетостроение” гэһэн мэргэжэлнүүдтэ, Москва хотын авиационно ехэ һургуулида “Радиоэлектронные системы и комплексы”, “Самолето-и вертолетостроение”, Томскын политехническэ ехэ һургуулида “Электроэнергетика и электротехника”, Новосибирск хотын техническэ ехэ һургуулида “Самолето-и вертолетостроение” , Краснаярск хотын Сибириин федеральна ехэ һургуулида “Технология машиностроения” гэһэн мэргэжэлнүүдтэ оюутад һураха болоно.
Ехэ һургуули дүүргэжэ, оюутад 4 жэлһээ бага бэшэ болзорто Улаан-Үдын авиазаводто ажаллаха ёһотой. Ород хэлээр, тоо бодолго болон физикээр ЕГЭ тушаажа, мэргэжэлтэй болохоор.
