778
Майн 19-дэ Буряад Уласта “Бүхэроссиин ой модо тарилгын үдэр” 7-дохиёо эмхидхэгдэхэ юм. Энэ хэмжээ ябуулга Буряад Уласай ойн харуулшад үнгэргэнэ. Мүнөө жэл Загарай аймагай ойн ажахыда 2010 оной түймэртэ абтаһан 50 га газарай талмайда ой модон таригдаха юм. Энээнһээ урид энэ талмай унаһан, шатаһан модонһоо, бог шоройһоо арилгагдаһан байна. Ойдо 175 мянган нарһанай сагдуул модон һуулгагдаха. Модо тариха хэмжээ ябуулгада 700-аад хүн хабаадахаар хараалагдана.
Мухаршэбэрэй болон Хандагатайн ойн жасада 23 га талмайда 80-яад мянганһаа дээшэ нарһанай сагдуул модон һуулгагдаһан байна. Энэ хэмжээ ябуулгада 70-аад гаран хүн хабаадаа.
2017 ондо Буряад Уласай бүхы ойн талмайда 3 миллионһоо дээшэ сагдуул модон 850 га газарта һуулгахаар түсэблэгдэнхэй. Тэдэнэй 80 га талмайда ойн түрээсэгшэд ой модо тариха.
“Бүхэроссиин ой модо тарилгын үдэр” жэлдээ нэгэ болодог бэшэ. Хабарай эхилһэн сагһаа хойшо һургуулинуудта, хүүгэдэй сэсэрлигүүдтэ хэшээлнүүд, субботнигууд, ой модо тариха хэмжээ ябуулганууд олоной хабаадалгатайгаар үнгэргэгдэдэжэ байдаг юм.
Буряад Уласай Ойн ажахын агентствэдэ (301-2) 41-16-66; 41-03-28 гэһэн утаһаар хандажа, буянтай хэрэг үйлэдэлгэдэ хабаадахада болоно.
