802
2017 оной июниин 4-һөө 10 хүрэтэр Алтайн хизаарай Белокуриха хотодо Уласхоорондын залуушуулай “Алтай. Точки Роста – 2017” гэһэн форум 9-дэхиеэ үнгэргэгдэхэ юм.
Ородой Холбоото Уласай газар дайда, илангаяа Сибириин федеральна тойрог хүгжөөхэ, шэнэ оньһон технологи нэбтэрүүлхэ, нютаг можын хүгжэлтэдэ удха шанартай түсэлнүүдые бэелүүлхэ хэрэгтэ залуушуулай һонирхол татажа, хабаадуулха зорилготой энэ уулзалга эмхидхэгдэдэг юм.
“Алтай. Точки роста” гэһэн форумдо Буряадай гүрэнэй дээдэ һургуулиин оюутан Анна Михайлова, уласай Һайн дуратанай түбэй эдэбхитэн Злата Игнатьева болон Арадай Хуралай дэргэдэхи залуушуулай хорооной гэшүүн Сергей Баиров гэгшэд Буряад Уласаа түлөөлжэ ошобод. Тэдэнэр һонирхолтой уулзалгануудта хабаадаха юм.
