832
Ородой Холбоото Уласай Юрэнхылэгшэ Владимир Путинай майн тогтоолнуудые бэелүүлжэ, гүрэнэй ажалда байһан залуу мэргэжэлтэдэй салин түлэхэ, бюджетнэ эмхинүүдтэ ажалладаг хүнүүдэй салин дээшэлүүлхэ, ниигэмэй эмхи зургаануудай гаргаша түлэхэ мүнгэ хаанаһаа абаха гээшэб гэжэ аймагуудай дарганар хүнгэн бэшэ асуудал шиидхэнэ.
Энээн тухай Байгал шадарай, Хурамхаан болон Баргажан аймагуудай зүблөөн дээрэ Хурамхаанай аймагай һунгамалнуудай Зүблэлэй түрүүлэгшын орлогшо Николай Сахаров хөөрэнэ.
- Юрэнхылэгшын майн тогтоол дүүргэхэ талаар хүүгэдэй сэсэрлигүүдые барилгада мүнгэн һомологдожо, манай гаргаша ехэ болоо. Октябрь һарада үнгэргэгдэхэ бүхы хэмжээнүүдэй һунгамалнуудай съезддэ оруулагдаха дурадхалнууд бэлэн, - гэжэ Николай Сахаров хэлэнэ.
Уласай бюджедтэ мүнгэнэй багаар ородог ушарһаа нютагай засагай байгууламжануудай албанда хүдэлдэг залуу мэргэжэлтэд хүүгэдэй сэсэрлигүүдэй техническэ хүдэлмэрилэгшэдэйхиһээ бага салинтай. Энээнһээ боложо залуушуул ажалһаа болино.
