702
2017 оной июлиин 21-дэ Улаан-Үдэдэ олзын хэрэг эрхилэгшэдэй “Территория бизнеса – территория жизни” гэһэн Бүхэроссиин хуралдаанай программын ёһоор конкурс эмхидхэгдэхэ. Энэ хадаа “Бизнес-Успех” гэһэн Үндэһэтэнэй шангай уласай шата болоно. Бага болон дунда олзын хэрэг эрхилэгшэд энэ хэмжээ ябуулгада хабаадаха аргатай.
Ородой Холбоото Уласай Олониитын танхим, “ОПОРА РОССИИ” гэһэн Бүхэроссиин бага болон дунда олзын хэрэг эрхилэгшэдэй олониитын эмхи, Шэнэ түсэлнүүдые бэелүүлхэ холын хараатай эдэбхинүүдэй агентство энэ конкурс эмхидхэнэ. Буряад Уласай Засагай газарай дэмжэлгээр хуралдаан үнгэргэгдэхэ.
“Худалдаа наймаанай болон хангалгын һалбарида эрхим түсэл”, “Ниигэмэй эрхим түсэл”, “Инновационно эрхим түсэл”, “Үйлэдбэриин эрхим түсэл”, “Хүдөө ажахын эрхим түсэл”, “Нютагай засагай байгууламжын хэмжээндэ худалдан абалгын эрхим гурим” болон Сергей Выходцевэй нэрэмжэтэ номинацида залуушуулай олзын хэрэг эрхилэлгэ гэһэн һалбаринуудта шэлэн абалгын шатанууд эмхидхэгдэхэ юм.
“Бизнес-Успех” гэһэн конкурсдо хабаадагшад уласай засаг зургаанай хүтэлбэрилэгшэдтэ, банкирнуудта, инвесторнуудта, олониитын ажаябуулагшадта, сурбалжалагшадта болон Москва хотоһоо уригдаһан мэргэжэлтэ шүүбэришэдтэ олзын хэрэг эрхилэлгэ тухайгаа хөөрэхэ аргатай. Эндэ бага олзын хэрэг эрхилэгшэдые дэмжэдэг эрхим нютагай засагай байгууламжанууд элирүүлэгдэжэ, шагналда хүртэхэ.
Хуралдаанай үедэ нютагай засагай байгууламжын түлөөлэгшэд, олзын хэрэг эрхилэгшэд болон сурбалжалагшадта һонирхолтой сесси болон мастер-классууд үнгэргэгдэхэ.
Конкурсдо илагшад “Золотой Домкрат” гэһэн шагналда хүртэхэ юм. Энэ хадаа “Бизнес-Успех” гэһэн Үндэһэтэй шангай гол һүлдэ тэмдэг юм. Бүхэроссиин хуралдаандаа Буряад Уласай болон хүршэ можо нютагуудай олзын хэрэг эрхилэгшэд хабаадаха аргатай. Июлиин 9 болотор тэдэнэр Opens external link in new window гэһэн сайтда орожо, мэдүүлгэ оруулха болоно.
“Бизнес-Успех” шангай сайтһаа гэрэл зураг абтаба.
