966
Июниин 12-то Ородой Холбоото Уласай үдэр Буряад Уласай Соведүүдэй талмай дээрэ үдэрэй 12 сагһаа үдэшын 21 болотор һайндэрэй хэмжээ ябуулганууд үнгэргэгдэхэ.
12 сагта хүүгэдэй коллективүүдэй “Мы дети твои, Россия!” гэһэн тоглолто харуулагдаха. Үдэрэй 14 сагһаа 16 саг болотор “Молодость Улан-Удэ” гэһэн залуушуулда зорюулагдаһан программа табигдаха юм. 16.30 сагһаа хойшо Улаан-Үдын духовой оркестр хүгжэм дуу наадаха юм. Үдэшын 17 сагһаа хойшо “Поёт вся страна!” гэһэн тоглолто буряад эстрадын ододой болон уласай эрхим хоорнуудай хабаадалгатайгаар үнгэргэгдэхэ.
1990 оной июниин 2-то РСФСР-эй арадай һунгамалнуудай түрүүшын съезддэ РСФСР гүрэнэй суверенитет тухай Деклараци абтаһан юм гэжэ һануулнабди. 1992 оной июниин 11-дэ абтаһан “Ородой Холбоото Уласай гүрэнэй суверенитет тухай Деклараци абтаһан үдэр” гэһэн Ород гүрэнэй Верховно Соведтэй тогтоолоор июниин 12-рой үдэр һайндэр гэжэ тоологдодог болоһон байна. 1998 оной июниин 12- то Борис Ельцин “День России” гэжэ энэ үдэр нэрлэхэ тухай дурадхаа. 2002 ондо Ажалай шэнэ кодекс абтаһанай удаа энэ һайндэр “День России” гэһэн нэрэтэй болоо юм.
