657
Буряад Уласай Түбэй стадионой талмай дээрэ Элүүрые хамгаалгын яаманай “Уласай эмнэлгын-бэеын тамирай диспансер” нээгдэхэ юм.
Буряад Уласта 1964 онһоо хойшо Элүүрые хамгаалгын яаманай “Уласай эмнэлгын-бэеын тамирай диспансер” ажалаа ябуулжа эхилһэн юм. Тиихэдээ эндэ бэеэ һоридог хүнүүд болон тамиршадта эмнэлгын туһа хүргэдэг, үбшэн болон эрэмдэгтэй хүнүүдтэ хүндэ үбшэнэй хойшолонгуудые эмнэлгын физкультурын хүсөөр аргалхада туһалдаг юм. Мүнөө дээрээ энэ диспансер улас дотор ори ганса тусхайта мэргэжэнги эмхи болоно.
2017 оной июниин 19-дэ Уласай түбэй стадиондо “Уласай эмнэлгын-бэеын тамирай диспансер гэһэн Гүрэнэй бюджетнэ элүүрые хамгаалгын эмхи зургаанай нээлгын баяр ёһолол болохо юм. Буряад Уласай Толгойлогшын уялгануудые дүүргэгшэ Алексей Цыденов, Арадай Хуралай Ниигэмэй бодолгын талаар хорооной түрүүлэгшэ Александр Стопичев, Элүүрые хамгаалгын сайдай уялгануудые дүүргэгшэ Валерий Кожевников, Спортын болон залуушуулай бодолгын талаар сайдай уялгануудые дүүргэгшэ Баир Ангуров, Улаан-Үдэ хотын мэр Алекандр Голков болон Арадай Хуралай һунгамалнууд энэ хэмжээ ябуулгада хабаадаха юм.
