1041
Ородой Холбоото Уласай Баталан хамгаалгын яаманда Улаан-Үдын авиазавод удаан сагаар баталагдаһан гүрэнэй хэлсээнэй ёһоор ээлжээтэ сэрэгэй-транспортын Ми-8АМТШ түхэлэй вертолёдуудые дамжуулба.
Баталан хамгаалгын яаманай болон сэрэгэй түлөөлэгшэд гүрэнэй хэлсээнэй ёһоор техникэ шалгаба. Удаань сэрэгүүдтэ вертолёдууд дамжуулагдаба.
Гүрэнэй баталан хамгаалгын захилаар Улаан-Үдын авиазавод саг соогоо, һайн шанартай техникэ бүтээдэг юм. Ородой Холбоото Уласай Баталан хамгаалгын яаманда шэнэлэгдэһэн паркда манай авиазаводой бүтээһэн вертолёдууд онсо һуури эзэлдэг.
Ми-8АМТШ түхэлэй вертолёдууд дотор 36 сэрэгшэд, 4 мянган кг ашаа багтаха, үшөө 4 мянган кг томо ашаануудые тээжэ, үлгөөд ниидэхэ аргатай юм. Эдэ вертолёдууд бэдэрэлгэ-абаралгын, эмнэлгын-эвакуационно ажал ябуулхадаа тааруу. Мүнөө үеын шэнэ оньһон техникээр хангагдаһан машинанууд һүнииндөө, бага үндэртэ, элдэб талмайнуудта бууха, ниидэхэ аргатай юм. Улаан-Үдын авиазавод вертолёдуудые бүтээн дамжуулхаһаа гадна, тэдэниие заһабарилдаг, шэнэдхэдэг үүргэтэй.
