998
Буряад Уласта 2017 оной һургуули дүүргэгшэдэй ЕГЭ тушаалгын дүнгүүд мэдэгдэжэ эхилбэ. Улаан-Үдын 35-дахи һургуулиин Галина Быкова информатика тушаажа, шалгалтын эгээ ехэ балл абаба.
- Би һайнаар бэлэдхэл гаража, хүлеэгдэһэн амжалта туйлабаб. Информатика зааһан багшадаа баярые хүргэнэб. Шалгалта ехэ хүндэ байгаагүй, - гэжэ Галина Быкова хэлэбэ.
2017 ондо һургуули дүүргэгшэдэй эгээ түрүүн тушааһан шалгалтань хадаа информатика болон географи байгаа. Галина Быковатай хамта информатика тушаагшадай 16-иинь 80 баллһаа ехэ балл абаһан байна. Шалгалта тушаагшадай 90 %-нь даабари дүүргэжэ шадаба.
Математикаар бүхы һурагшадай тушааха шалгалтын дүнгүүдээр 4701 һурагшадай 1766 хүниинь “5” сэгнэлтэ абаһан байна. Тэдэнэй 7,9 %-нь ЕГЭ тушаажа шадаагүй. Саашанхи һуралсалдань хэрэгтэй болохо математикаар ЕГЭ тушааһан 2785 хүнэй 79-ниинь 80-һаа дээшэ балл абаба. Тэдэнэй 16 %-нь шалгалтада хэрэгтэй балл абажа шадаагүй.
