894
Буряад Уласай Толгойлогшын уялгануудые дүүргэгшэ Алексей Цыденовтэ Улаан-Үдын 2-дохи һургуулида барилгын, һэльбэн шэнэдхэлын шухала хүдэлмэринүүд дүүрэбэ, тиихэдэ классууд бүридхэгдэжэ, һургуулиин хэрэгсэлнүүд тодхогдожо байна гэжэ хотын мэр Александр Голков түсэблэлгын зүблөөндэ элидхэбэ.
Һургуулиин байшанда залган барилгын ажал хэгдэжэ, һурагшадай тоо 200-гаар олон болохо юм.
- Барилгын хүдэлмэринүүдэй 96%-нь хэгдэбэ. Һургуулиин байшанай һэльбэн шэнэдхэлгын, залган барилгын болон шэрдэлгын, шэмэглэлгын ажал хэгдэжэ дүүрэнхэй. Уһаар, дулаагаар хангалгын хүдэлмэринүүд хэгдэжэ, түймэрэй гараһан тухай дуулгаха дохёо тодхогдоно. Байгша оной август һарада һургуулиин ашаглалгада тушаагдаха дансануудые абахаар түсэблэнэбди, - гэжэ Улаан-Үдэ хотын мэр Александр Голков хэлэбэ.
Улаан-Үдын юрэнхы болбосоролой дунда һургуулиин заһабарилгын ажал “Ородой Холбоото Уласай газарай хүдэлөөнэй аюултай аймагуудта гэрнүүдэй, шухала байшануудай тогтуури бэхижүүлхэ” гэһэн федеральна программаар бэелүүлэгдэнэ. Бүхыдөө 282 млн.түхэриг һэльбэн шэнэдхэлгын, заһабарилгын хүдэлмэринүүдтэ 2015 онһоо хойшо һомологдоһон байна.
