815
Буряад Уласта ород хэлээр гүрэнэй ниитэ нэгэ шалгалта 5,4 мянганһаа дээшэ һурагшад тушааһан байна. 1033 шабинар 80-һаа 99 балл хүрэтэр абаба. Тиихэдэ 34 һурагшад эгээл ехэ 100 балл абажа шадаба.
Һурагшадай 1,2%-нь, 67 хабаадагшад хэрэгтэй 24 балл абажа шадабагүй. Тэдэнэр тоо бодолгоор аттестат абахаар хэрэгтэй балл абаһан һаа, ород хэлээр шалгалта дахин июниин 29-дэ тушааха аргатай.
- Һуралсалай шухала предмедүүдээр гүрэнэй ниитэ нэгэ шалгалтын дүнгүүд дээшэлһээр. Улаан-Үдын, Хори, Хэжэнгэ, Баргажан, Хурамхаан, Зэдэ, Байгал шадарай, Бэшүүр болог Хяагта аймагуудай һурагшад эрхим амжалта туйлаһан байна, - гэжэ Буряад Уласай Болбосоролой болон эрдэм ухаанай сайдай уялгануудые дүүргэгшэ Баир Жалсанов хэлэбэ.
Гүрэнэй ниитэ нэгэ шагалта тушааха газарнуудта үхибүүдэй хэһэн хүдэлмэри шалгаха шэнэ оньһон технологи нэбтэрүүлэгдэжэ, ород хэлээр шалгалтын дүнгүүд урид толилогдобо.
