673
Улаан-Үдэ Загарай хоёрой хоорондохи 22-30-дахи модоной харгы “Аюулгүй, һайн шанартай харгынууд” гэһэн түсэлдэ ажаһуугшадай дурадхалаар оруулагдаһан байна. Энэ түсэлөөр хүнүүдэй гараха ябаган харгы, гэрээлтүүлгэ, автобусуудай тогтохо буудалнуудые табиха юм.
“Харгын аюулгүйе хинадаг гүрэнэй албанай үнгэргэһэн шалгалтаар, эндэ гэнэ усалнууд олон болодог байгаа. Тиимэһээ энэ харгын хэһэг “Аюулгүй, һайн шанартай харгынууд гэһэн түсэлдэ оруулагдаба”, - гэжэ Буряад Уласай Транспортын, элшэ хүсэнэй, харгын ажахы хүгжөөлгын сайдай уялгануудые дүүргэгшэ Сергей Козлов хэлэбэ.
“Ремстрой” гэһэн харгын барилгын компани Улаан-Үдэ – Загарай гэһэн харгыда ажал ябуулжа эхилээ. Удаань харгын тэмдэгүүд болон светофорнууд табигдаха юм. 2017 оной сентябрь болотор эдэ хүдэлмэринүүд хэгдэхэ ёһотой. Харгы заһабарилгада 34 млн. түхэриг гаргашалагдаха болоно.
