921
Буряад Уласай Бэшүүр, Байгал шадарай, Сэлэнгэ, Баргажан, Мууяын болон Хойто-Байгалай аймагуудта 1,2 мянган га талмайда һүжэрһэн ойн түймэрнүүд унтараагдаба.
Түймэр саралгада ойн харуулай, “Авиа ойн харуул”эмхиин, “Үбэр Байгалай авиационно ойн харуулай” хүдэлмэрилэгшэд, парашютистнар болон ажаһуугшад, хамтадаа 746 хүнүүд хабаадаба. Түймэр саралгын 155 техникэ хэрэглэгдэнэ. Үнгэрһэн үдэрэй туршада ойн харуулай хүдэлмэрилэгшэд болон түлбэритөөр ашаглагшад ойдо орохые хориһон дүрим эбдэгшэдые элирүүлхэ зорилготой, ойн жасада 140-өөд шалгалтануудые үнгэргэһэн байна.
Мүнөө Бабанта, Зэдэ, Кабанск, Хурамхаан, Мууяын болон Ивалга аймагуудта 3,5 мянга га талмайда гараһан 14 ойн түймэрнүүд сарагдана. Тэдэнэй тоодо Байгалай болон Джээргэнэй дархан газарнуудта гал аюултай байдал тохёолдонхой. Буряад Уласай хойто аймагуудта багсаамжалһан мэдээгээр, хуурай залинһаа боложо, 24 мянган га талмайда 10 түймэр соробхилно.
Буряад Уласай дэбисхэртэ түймэрэй аюултай хаһын онсо байдал соносхогдонхой. Онсо байдалай үедэ ойдо орохо хоригдоно. Эдэ дүримүүдтэ хайша хэрэгээр хандабал, 4 мянгаһаа 500 мянган түхэриг хүрэтэр яла тохогдохо юм. Эдэ дүримүүдтэ хайша хэрэгээр хандабал, 4 мянгаһаа 500 мянган түхэриг хүрэтэр ялада тохогдохо юм. Тала дайдаар хагда, поли дээрэ үлэһэн ногоо галдаха, гал түүдэг носоохо хорюултай гэжэ Буряад Уласай ойн ажахын албан мэдээсэнэ. Үшөө тиихэдэ, харгын, түмэр харгын хажуугаар ногоо галдаха, түүдэг носоохо, модо үйлэдбэриин һүүлээр үлэһэн гэшүүһэ галдаха, хатанхай ой модо, бургааһа орхихо баһал хоригдоно.
Түймэрэй гараһан тухай дүтын ойн ажахын албанда гү, али (83012) 20-44-44 гэһэн утаһаар дуулгажа байгыт гэжэ ойн харуулшад мэдүүлнэ.
