819
Кабанск аймагай Югово тосхоной фермерскэ ажахын хүтэлбэрилэгшэ Юрий Назимов “Буряад Уласай эрхим зүгышэн – 2017” гэһэн мүрысөөндэ илаба. Тэрэ “Эрхим зүгышэн - 2017” гэһэн бүхэросиин мүрысөөнэй түгэсхэлэй шатада уласаа түлөөлхэ юм.
Буряад Уласай 6 зүгышэд энэ хэмжээ ябуулгада хабаадаһан байна. Тэдэнэр мүрысөөнэй гурбан шатада хабаадажа, зүгы үдхэлгын һалбарида ябуулдаг ажал тухайгаа хөөрэжэ, харуулжа, асуудалнуудта харюусажа, эрдэм мэдэсэеэ шалгаһан байна.
Юрий Назимов 2015 ондо гүрэнэй тэдхэмжэдэ хүртэжэ, 1,5 млн түхэригэй шэнэ түхеэрэлгэнүүдые худалдан абаһан байна. Тэрэ жэлдээ 3 мянганһаа 7 мянган тонно хүрэтэр һайн шанартай зүгын тоһо абадаг.
- Манай ажахын хүгжэлтэдэ уласай засаг зургаануудай һомолһон мүнгэн тэдхэмжэ ехэ туһалаа, - гэжэ зүгышэн хэлэбэ.
2017 ондо Буряад Уласта зүгын тоһо үйлэдбэрилгэ 95 тонно болоһон байна. 2016 онтой жэшэхэдэ энэнь 18,7 %-ээр ехэ гэжэ уласай Хүдөө ажахын болон эдеэ хоолой яаманда мэдээсэнэ.
