859
Мүнөөдэр Буряад Уласта Москва хотын үдэрнүүдтэ зорюулагдааһан хэмжээ ябуулганууд эхилбэ. Тиихэдээ Москва хотын түлөөлэгшэд болон Үндэһэтэнэй бодолгын болон можо хоорондын харилсаануудай депратаментын хүтэлбэрилэгшэ Виталий Сучков Илалтын хүшөөгэй дэргэдэ дурасхаалай хэмжээ ябуулгада хабаадаба.
“Эсэгэ ороноо хамгаалгын дайнай дүүрэһээр 72 жэл үнгэршэбэ. Ороноймнай бүхы арадууд эб нэгэн зогсожо, эхэ ороноо хамгаалаа. Буряад Уласай 120 мянганһаа дээшэ ажаһуугшад Эсэгэ ороноо хамгаалгын Агууехэ дайнда мордожо, олонхинь нютагаа бусаагүй. Сибириин дивизинүүдэй баатар сэрэгшэдэй дурасхаал мүнхэлэн, Москва шадар хүшөө баригданхай”, - гэжэ Виталий Сучков хөөрэбэ.
“Манай арадай туйлаһан Агуу Илалта сэгнэшэгүй. Москва шадар байлдаанда хоёр талаһаа 7 миллионһоо дээшэ сэрэгшэд, офицернүүд хабаадаһан юм. Эхэ оронойнгоо түлөө дайлалдаһан эрэлхэг баатарнууд илалта туйлаа. Фашис булимтарагшадые бута сохихо байлдаанда Сибириин 20 дивизинүүд болон бригаданууд горитой хубитаяа оруулһан байха юм. Баатаршалга, дайшалхы аша габьяагай түлөө Сибириин 9 дивизинүүд гвардиин тугуудые абаһан байна”, - гэжэ Буряад Уласай Засагай газарай Түрүүлэгшын эдэй засагай хүгжэлтын талаар орлогшо Игорь Зураев тэмдэглэбэ.
Үсэгэлдэр Москвагай түлөөлэгшэд Эсэгэ ороноо хамгаалгын Агууехэ дайнда Москва шадар байлдаанда хабаадаһан Улаан-Үдэдэ ажаһуудаг дайнай ветерануудта хүрэжэ, дурасхаалай бэлэгүүдые барюулаа гэжэ һануулнабди.
Анна Огороднигой гэрэл зурагууд.
