​Хориин арбан нэгэн эсэгын сэргэдэ хүрыт!

Түгнын талада бодхоогдоһон Хориин арбан нэгэн эсэгын сэргэнүүд айлшадаа хүлеэжэ байна. 

Хори буряадуудай эгээл түрүүшын дасан болохо Зандинай дуганай нээлгын ёһолол августын 19-дэ үнгэрхэнь. Булагад, эхирэд, хонгоодор болон бусад угай буряадууд хүндэеэ мэдүүлэн, дуган нээлгын ёһололдомнай заатагүй хабаадыт, сэргэнүүдтэмнай морилжо хайрлыт гэжэ эмхидхэлэй хорооной гэшүүн, «Инфор Полис» Хэблэлэй байшанай юрэнхы захирал Соёлма Дагаева урина.