671
Ородой Холбоото Уласай болон Монгол гүрэнэй Засагай газарнуудай этигэмжэтэ түлөөлэгшэдэй XIII-дахи зүблөөн Улаан-Үдэдэ июлиин 31-һээ августын 2 болотор үнгэргэгдэнэ.
Хүршэ гүрэнүүдэй дэбисхэр дээгүүр урдадаг Сэлэнгэ, Онон мүрэнүүдэй эрьедэ оршодог ажахы, үйлэдбэринүүдэй уһанай байдалда үзүүлдэг нүлөө, тиихэдэ Монгол гүрэндэ Сэлэнгын эрьедэ баригдажа болохо гидротехническэ объект тухай асуудалнуудаар зүблөөндэ хэлсэгдэхэ юм.
Ородой Холбоото Уласай болон Монгол гүрэнэй 40-өөд түлөөлэгшэд энэ зүблөөндэ хабаадана. XII-дохи зүблөөнэй дүнгүүдээр хэгдэһэн ажал тухай эндэ элидхэхэ. Тиихэдэ хилэ шадархи газарта Сэлэнгэ, Онон мүрэнүүдэй уһанай шанар шалгажа, хэгдэһэн шэнжэлэлгэнүүдэй дүнгүүд согсологдохо юм.
Үшөө 1974 ондо СССР болон Монгол гүрэнэй Засагай газарнууд Сэлэнгэ мүрэн аршалха, тэрэнэй уһа бодолтой һайнаар ашаглаха тухай хэлсэһэн байна. 1995 ондо Ородой Холбоото Уласай болон Монголой Засагай газарнууд хэлсээ дахинаа баталжа, энэ талаар ажалаа үргэлжэлүүлһэн байна. Оршон байдалда хоёр гүрэнүүдэй хоорондохи харилсаан энэ хэлсээнэй ёһоор бэелүүлэгдэдэг юм. Бүхы дэлхэйн байгаалиин һүлдэ - Байгал далайе аршалха, тэрэнэй түлөө харюусалгатай байһанаа дүүрэн ойлгожо, хоёр гүрэнэй эрхэ баримталан, хүршэ гүрэнүүдэй дэбисхэр дээгүүр урдадаг Сэлэнгэ, Онон мүрэнүүдэй газар дайдада Ородой Холбоото Улас болон Монгол гүрэнэй Засагай газарнууд суг ажалаа ябуулдаг юм.
