781
Байгал шадарай аймагта Түрхэ һууринай “Байкальская гавань” гэһэн эдэй засагай онсо газарта эрэмдэг бэйтэйшүүлэй уһанай эрьедэ амарха пляж нээгдэбэ.
Буряад Уласта эрэмдэг бэетэйшүүлэй хүдэлөөнэй байгуулагша Эржена Будаевагай дурасхаалда зорюулагдаһан “Байгал-2017” гэһэн слётдо дүшөөд хабаадагшад сугларһан байна. “Создавая возможности” гэһэн Буян үйлэдэлгын программын хэмжээндэ “Буряад Уласта болон Байгалай эрьедэ инклюзиин аяншалга” гэһэн түсэлөөр слёт үнгэргэгдэбэ. Энэ хэмжээ ябуулгада хабаадагшад эрэмдэг бэетэй зоной Байгалай эрьедэ амарха пляж нээлгын баяр ёһололдо хабаадаба.
“Буряад Уласта болон Байгалай эрьедэ инклюзиин аяншалга” гэһэн түсэлөөр элһэн эрье дээрэ эрэмдэг бэетэй зоной амархын түлөө 180 мянган түхэригэй тусхай хэрэгсэлнүүд худалдан абтаһан байна. Нэрлэбэл, уһан соо тамарха кресло-коляска, бэедэ шалзархай болохогүй тусхай шэрдэгтэй шезлонг гэхэ мэтэ. Тиихэдэ Байгал хүрэтэр эрэмдэг бэетэй зоной һаадгүйгөөр хүрэхын тула тусхай налуу харгы хэгдэһэн юм.
“Байкальская гавань” гэһэн эдэй засагай онсо газарта эрэмдэг бэйтэй зоной амарха хангалгын байгууламжа бии. Тэндэ налуу харгынууд, болбосон түхэлтэй газаа гараха газарнууд эрэмдэгтэй зоной байгаалида, Байгалай эрьедэ һаадгүйгөөр, һайн шанартайгаар амархын тула хэгдэһэн юм.
