871
Үнгэрһэн үдэрэй туршада Буряад Уласта 25 га талмайда гараһан 8 ойн түймэр Бэшүүр, Хяагта, Байгал шадарай аймагуудта унтараагдаһан байна.
Түймэр саралгада ойн харуулшад, ажаһуугшад, “Үбэр Байгалай авиационно ойн харуулай” хүдэлмэрилэгшэд, тиихэдэ “Авиа ойн харуулай” 43 түймэр сарагшад-парашютистнар – хамтадаа 479 хүн хабаадаһан байна. Түймэр саралгын 95 техникэ ашаглагдана.
Байгша оной августын 2-ой мэдээгээр Буряад Уласай Баргажан, Бабанта, Ярууна, Кабанск, Хяагта, Байгал шадарай, Хори аймагуудта 135 га талмайда 15 ойн түймэрнүүд гараһан байна. Тэдэнэй 6-ниинь унтараагдаа. Буряад Уласай хойто аймагуудта 1370 га талмайда залинһаа гараһан гэжэ багсаамжалагдаһан 3 түймэрнүүд соробхилно.
Буряад Уласай газар дайдада түймэрэй аюултай хаһын онсо журам соносхогдонхой.
Онсо журамай үедэ ойдо орохо хоригдоно. Энэ дүримдэ хайша хэрэгээр хандабал, хүнүүд 4 мянгаһаа 5 мянган түхэриг хүрэтэр, албанай түлөөлэгшэд – 25 000-һаа 40000 түхэриг хүрэтэр, юридическэ нюурнууд – 300 мянганһаа 500 мянган түхэриг хүрэтэр ялада тохогдохо юм.
Түймэрэй гараһан тухай дүтын ойн ажахын албанда гү, али (83012) 20-44-44 гэһэн утаһаар дуулгажа байгыт гэжэ ойн харуулшад мэдүүлнэ.
