850
Түймэрэй аюулгүйе хинадаг гүрэнэй эмхиин хүдэлмэрилэгшэд Улаан-Үдэ хотын юрэнхы болбосоролой 54 һургуулинуудые шалгаба.
Ородой Холбоото Уласай Буряадтахи таһагай Онсо байдалай талаар яаманай хинан харагшад түймэрэй гараһан тухай дуулгадаг дохёо, гал сараха хэрэгсэлнүүд, тиихэдэ аюултай байдалай тохёолдоходо, һургуулинуудай хүдэлмэрилэгшэд хэр зэргэ зүб хэмжээнүүдые абанаб гэхэ мэтые шалгаба.
Онсо байдалай талаар яаманай мэргэжэлтэдэй хэлэһээр, хотын һургуулинууд һуралсалай шэнэ жэлдэ бэлэн. Дутуу дунданууд байгаашье һаа, тэдэ шалгалтын үедэ усадхагдана. Түймэрэй гараһан тухай дуулгадаг дохёонуудай хүдэлөөгүй һаань, тэрэниие тодхоһон эмхиин хүдэлмэрилэгшэд заһабарилдаг юм.
Буряад Уласта бүхыдөө юрэнхы болбосоролой 465 дунда һургуулинууд бии. Тэдэнэй 185-ниинь Түймэрэй аюулгүйе хинадаг гүрэнэй эмхиин шалгалта гараһан байна. Уласай һургулинуудай һуралсалай шэнэ жэлдэ бэлэдхэлэй шалгалтанууд августын хорёод болотор дүүрэхэ гэжэ түсэблэгдэнхэй.
