915
2017 оной августын 10-12-рой үдэрнүүдтэ “Нэмэлтэ һуралсалай шэнэдхэлгэ: асуудалнууд, шиидхэбэринүүд, холын хараата түсэбүүд” гэһэн можо хоорондын хуралдаан үнгэргэгдэхэ.
Буряад Уласай Болбосоролой болон эрдэм ухаанай яаманай дэмжэлгээр энэ хэмжээ ябуулга эмхидхэгдэнэ. Москва, Астрахань можын, Пермь, Үбэр Байгалай хизаарнуудай, Алтай, Татарстан, Саха (Яхад) болон Буряад уласуудай болбосоролой һалбаринуудай гүйсэдхэхы засаг зургаануудай хүтэлбэрилэгшэд болон мэргэжэлтэд, можо нютагуудай нэмэлтэ һуралсалай модельнэ түбүүдэй захиралнууд хуралдаанда хабаадаха юм.
- Нэмэлтэ һуралсалай һалбариин можо нютагуудай түлөөлэгшэд Улаан-Үдэдэ анха түрүүшынхиеэ сугларха юм. Ородой Холбоото Улас дотор хоёрдохи жэлээ бэелүүлэгдэжэ байһан, нэмэлтэ һуралсалай һалбари шэлэһэн үхибүүн бүхэндэ мүнгэ һомолхо гэһэн шэнэ түхэлэй модель бэелүүлгэдэ тэдэнэй олонхинь хабаададаг байһаниинь шухала. Энэ түсэлдэ Буряад Улас 2017 онһоо хабаадажа эхилһэн байна. Нэмэлтэ һуралсалай һалбарида хүдэлмэрилэгшэд сугларжа, дүй дүршэлөөрөө хубаалдажа, бэе бэеынгээ һанал бодол шагнахабди, - гэжэ “Созвездие” гэһэн уран һайханай болон техническэ урлагай нөөсэнүүдэй түбэй захирал Наян Сагаев хэлэбэ.
Хуралдаан гурбан секцидэ үнгэргэгдэхэ.
“Нэмэлтэ һуралсалай шэнэдхэлгэ: асуудалнууд, шиидхэбэринүүд, холын хараата түсэбүүд” гэһэн можо хоорондын хуралдаан 2016-2020 онуудта болбосоролой хүгжэлтын Федеральна тусхай зорилготой программын хэмжээндэ эмхидхэгдэдэг юм.
