865
Байгша оной августын 11-12-ой үдэрнүүдтэ аглаг һайхан Агын тойрогто буянта үйлэ хэрэг болохонь.
2014 оной май һарада Агын дасанай Согшон дуган гал аюулда абтажа, хайлашоо бэлэй. Гурбан һарын туршада эршэтэйгээр ажал ябуулагдажа, августын 11-12-ой үдэрнүүдтэ шэнээр бодхоогдоһон дуганай болон һэльбэн шэнэдхэгдэһэн Майдари бурханай арамнайн ехэ һайндэр Агын дасанда үнгэргэгдэхэнь. Түрүүшын үдэр рамнайн уншалганууд, хуралнууд хурагдаха. Августын 12-то баяр ёһололой хэмжээ ябуулга, тоглолто болон «Эрын гурбан наадан» эмхидхэгдэхэ юм. Августын 13-да үдэрэй 12 сагта Алханын Димчиг дуганда Димчиг бурханай рамнай үнгэргэгдэхэ.
Буянта үйлэ хэрэгтэ зорюулжа, Агада Согшон дасанай түрүүшынхиеэ яагаад баригдаһан тухай Дамбинима Цырендашиевай «Сүүгэлэй дасан» гэһэн номһоо хэһэгүүдые уншагшадайнгаа һонорто «Байгал» сэтгүүлдээ дурадханабди. Үсөөн хэблэлээр гараһан энэ номдо Сүүгэл дасанай түүхэ тухай бэшэгдэнхэй.
Энээгээр һонирхобол, манай сэтгүүлнүүдые Агын дасанда хэмжээ ябуулгын үедэ 130 түхэригөөр, Каландарашвили гудамжада оршодог «Буряад Үнэн» хэблэлэй байшанда 100 түхэригөөр абаха аргатайт.
