​Залуу эжынэр сугларна

Зулгы зунай һайхан энэ сагта Улаан-Үдэ хотын залуу эжынэр саг үргэлжэ сугларна. Эдэ «Һолонго» гэһэн хэмжээ ябуулга эмхидхээ. 

«Юбилейный» гэһэн парк соо сугларһан долоон үнгын һолонго мэтээр хубсаланхай эжынэр болон тэдэнэй хүүгэд зоной һонирхол татаа, һайшаал магтаалда хүртөө. 

Гурбан үхибүүдэй эжы Соёлма Дансаранова иимэ хэмжээ ябуулгануудта үнинэй хабаададаг. Олоной ородог «ВКонтакте» гэһэн сүлжээндэ тусхай бүлэг бии юм. Тэндэ эжынэр хэзээ уулзаха, ямар хэмжээ ябуулга эмхидхэхэ тухайгаа хэлсэдэг. 

«Би үхибүүдээ дахуулаад, иимэ уулзалгануудта ябаха ехэ дуратайб. Залуу эжынэр, эхэнэрнүүд суглархадаа, бэе бэетэеэ харилсана, дүй дүршэлөөрөө андалдана. Багашуулдашье иимэ уулзалганууд тон туһатай байна»,- гээд залуу эжы һанамжаараа хубаалдана. 

Иимэ уулзалганууд илангаяа хүүгэдтэ ехэ туһатай

Авторай гэрэл зурагууд