869
Буряад Уласай Толгойлогшын уялгануудые дүүргэгшэ Алексей Цыденов Хурамхаан аймагай залуушуултай уулзаба.
Хурамхаан аймагай залуушуултай уулзалгын үедэ 11-дэхи классай һурагша “тимуровецүүдэй” хүдэлөөндэ ородог тухайгаа хэлэжэ, Эхэ орондоо дуратай хүн ямар байхаб гэжэ асууба. Таанарта адли байха гэжэ Буряад Уласай Толгойлогшын уялгануудые дүүргэгшэ харюусаба.
Хурамхаан аймагай залуушуул уласай хүтэлбэрилэгшэдэ ажаһуугшадай архида орохогүй талаар бэлдэһэн түсэл харуулба. Буряад Уласай Засагай газар энэ түсэл дэмжэхэ гэжэ Алексей Цыденов хэлэбэ.
«Би өөрөө архи уудаггүйб. Архи хэрүүл, наншалдаантай нягта холбогдонхой. Харин хүнүүдтэ архи уухыень хорихогүйш»,- гэжэ уласай хүтэлбэрилэгшэ тэмдэглэбэ.
Буряад Уласай Толгойлогшын хэлэһэнэй ёһоор, архи үйлэдбэри улас дотор нээхэ түсэб бии.
Буряад Уласай Толгойлогшын уялгануудые дүүргэгшэ Алексей Цыденов албанай хэрэгээр Хурамхаан аймаг гаранхай гэжэ һануулнабди.
Анна Огороднигой гэрэл зураг.
