684
Улаан-Үдын Кузнецкая гудамжада 200 дүрбэлжэн модоной зайда хэгдэһэн харгы халуун уларилай тогтоходо, хубилангүй, шанараа алдангүй байха шалгалтын эрилтэнүүдтэ таарабагүй.
Кузнецкая гудамжада харгы заһабарилһан «Нардеван-строй» эмхи харгы шэнээр асфальтаар хушаха.
Буряад Уласай Транспортын, элшэ хүсэнэй болон харгын ажахы хүгжөөлгын яаман, Улаан-Үдэ хотын захиргаанай «Бурятрегионавтодор» эмхи болон «Улан-Удэстройзаказчик» хүтэлбэриин мэргэжэлтэ шүүбэришэд Кузнецкая, Октябряская гудамжануудта хэгдэһэн харгын шанар шалгаба. Тэрэнэй дүнгүүдээр, халуу уларилай тогтоходо, харгы хубилангүй, шанараа алдангүй байха эрилтэдэ таарабагүй.
- «Нардеван-строй» эмхиин хүдэлмэрилэгшэд Кузнецкая гудамжада 200 дүрбэлжэн модоной зайда харгы шэнээр асфальтобетоноор хушаха юм. Октябрьская гудамжада шалгалта дахин үнгэргэхэ тухай харгы заһабарилдаг эмхи хандажа, тэрэнэй дүнгүүд мүнөө долоон хоногто мэдээжэ болохо, - гэжэ Транспортын, элшэ хүсэнэй болон харгын ажахы хүгжөөлгын яаманай мэдээсэлэй албанда хэлэбэ.
Буряад Уласта «Аюулгүй, һайн шанартай харгынууд» гэһэн түсэл бэелүүлэгдэнэ гэжэ һануулнабди. 2017, 2018 онуудта Улаан-Үдэдэ болон хото шадарай аймагуудта харгы заһабарилгада 2,5 миллиард мүнгэн һомологдоһон байна. Тиихэдэ 1,25 миллиард түхэриг федеральна бюджетһээ гаргшалагдаа. 2017 ондо «Аюулгүй, һайн шанартай харгынууд» гэһэн түсэлөөр Улаан-Үдэдэ, Загарай, Ивалга, Тарбагатай болон Байгал шадарай аймагуудта 64 харгы заһабарилагдаха юм.
