723
Ородой Холбоото Уласай Болбосоролой һалбари хинадаг эмхи 2017 оной гүрэнэй ниитэ нэгэ шалгалтын нэмэлтэ зэргэ можо нютагууд тушаалгаада хэр бэлэн байнаб гэжэ шалгаба.
Сентябрь һарада шалгалта үнгэргэхэ талаар селекторнэ зүблөөндэ Буряад Уласай Болбосоролой болон эрдэм ухаанай яаманай болон Мэдээсэл эмхилэн согсололгын уласай түбэй мэргэжэлтэд хабаадаба.
Бүхы һурагшадай тушааха ород хэлээр болон тоо бодолгоор шалгалтанууд сентябриин табанда болон найманда үнгэргэгдэхэ. Улаан-Үдэдэ болон Северобайкальск хотонуудта 200 гаран үхибүүд нэмэлтэ сагта гүрэнэй ниитэ нэгэ шалгалта тушааха гэжэ багсаамжалагдана.
- Нэмэлтэ сагай үедэ гүрэнэй ниитэ нэгэ шалгалта тушааха газарнууд үсөөн, тиимэһээ бэлэдхэлэй ажал тон һайнаар ябуулха шухала. Шалгалтанууд дээдэ хэмжээндэ үнгэргэгдэхэ ёһотой, - гэжэ Ородой Холбоото Уласай Болбосоролой һалбари хинадаг эмхиин хүтэлбэрилэгшын орлогшо Анзор Музаев хэлэбэ.
Гүрэнэй ниитэ нэгэ шалгалта тушааха бүхы газарнуудта хэрэгсэлнүүд тодхогдоо. Тиихэдэ шалгалтын дүрим эбдэгшэдые элирүүлхэ талаар анхаралаа хандуулха гэжэ Ородой Холбоото Уласай можо нютагуудай гүйсэдхэхы засаг зургаанай ажаябуулга хинадаг хүтэлбэриин дарга Евгений Семченко тэмдэглэбэ.
«2017 оной һуралсалай программын талаар юрэнхы болбосоролой үндэһэн болон юрэнхы болбосоролой дунда һургуулинуудай (-дэхи класаай һурагшадай тушаадаг шалгалтын дүнгүүд болон 2018 оной ГИА шалгалтада бэлэдхэл» гэһэн гаршагтай үнгэргэгдэхэ Бүхэроссиин зүблөөндэ бэлэдхэл тухай хэлсэбэ. Энэ хэмжээ ябуулгада Буряад Уласай Болбосоролой болон эрдэм ухаанай сайдай уялга дүүргэгшэ Баир Жалсанов хабаадаха юм.
:
