747
Буряад Уласай Ивалга аймагта «Аюулгүй, һайн шанартай харгынууд» гэһэн түсэлөөр харгы заһабарилгын ажалнууд болзорһоо урид хэгдэнэ.
Ивалга һууринай – Первомайская, Калёново тосхоной – Толстихина, Хойто-Бэе һууринай – Взлётная гудамжануудта болон федеральна харгыһаа Тапхар һуурин хүрэтэр харгынууд заһабарилагдана. Харгы заһабарилгын ажал октябриин 31 хүрэтэр хэгдэхэ болзортой, харин заһабарилагшад болзорһоо урид ажалаа дүүргэхээр бэлэн.
«Харгы хаһабарилагын ажалай 90 хубинь хэгдэбэ. Нэгэл гудамжада харгы асфальтобетоноор хушагдаагүй. Калёново һууринда ябаган харгынууд хэгдээ. Харгын тэмдэгүүдые болон Хойто-Бэеын Взлётная гудамжада 300 метрэй зайда харгы заһабарилагдаха үлэнхэй», - гэжэ «АртКом» компаниин захирал Артур Айвазян хэлэбэ.
Ивалга аймагай захиргаанда хойто жэл энэ түсэлдэ хабаадаха дансанууд бэлдэгдэнэ гэжэ Ивалга аймагай захиргаанай хангалгын байгууламжа хүгжөөлгын таһагай ахамад хинан харагша-барилгашан Баир Максим тэмдэглэбэ.
Буряад Уласай Транспортын болон элшэ хүсэнэй, харгын ажахы хүгжөөлгын сайд Сергей Козловой хэлэһээр, 2018 ондо Ивалга аймагта дүрбэн газарта харгы заһабарилагдаха.
«2018 ондо Буряад Уласта «Аюулгүй, һайн шанартай харгынууд» гэһэн түсэл бэелүүлгэдэ дансанууда бэлдэгдэжэ, октябрь һарада тэрэ хэлсээндэ гар табигдахыень хүлеэнэбди. Уридшалан хэлэхэдэ, Ивалга аймагта дүрбэн газарта харгы заһабарилагдаха», – гэжэ Сергей Козлов тэмдэглэбэ.
