723
Байгша оной ноябриин 1-3-най үдэрнүүдтэ Москва хотодо «50 ПЛЮС. Все плюсы зрелого возраста» гэһэн уласхоорондын хуралдаан-үзэсхэлэн үнгэргэгдэхэ. Энэ хэмжээ ябуулгада Буряад Уласай Ниигэмэй хамгааалгын яаманай түлөөлэгшэд хабаадалсаха.
Наһатай зоной ажабайдал һайжаруулха талаар хуралдаан үнгэргэгдэжэ, энэ асуудалаар амжалтатайгаар бэелүүлэгдэһэн түсэлнүүд тухай хэлсэжэ, дүй дүршэлөөрөө андалдаха гэхэ мэтэ хэмжээ ябуулганууд эмхидхэгдэхэ юм. Тиихэдэ семинар, мастер-классууд үнгэргэгдэхэ. Хуралдаан-үзэсхэлэндэ эрдэмтэд, олониитын ажаябуулагшад, гүрэнэй засай зургаанай түлөөлэгшэд хабаадаха.
Энэ хэмжээ ябуулгын үнгэргэгдэһэн жэлнүүдтэ 300 мянганһаа дээшэ хүн, 1300 кампанинууд наһатай зондо зорюулагдаһан эд бараа, хэрэгсэлнүүдые дурадхаһан байна. Мүнөө жэлэй үзэсхэлэндэ 35 мянганһаа бага бэшэ зон хабаадаха гэжэ эмхидхэгшэд түсэблэнэ.
