726
Буряад Уласта 1,3 сая түхэригэй һуралсалай оньһон хэрэгсэлнүүд худалдан абтаба.
Һуралсалай үедэ хэрэглэгдэхэ мүнөө үыен модо элдүүрилхэ станогууд, робот суглуулха модульнууд, 3D сканер, 3D принтер, гагналгын хэрэгсэл гэхэ мэтэ оньһон хэрэгсэлнүүдэй комплект Буряад Уласай Болбосоролой болон эрдэм ухаанай яаманда худалдан абтаһан байна.
«Үхибүүдтэ һаадгүй нэмэлтэ һуралсал» гэһэн болбосоролой һалбари хүгжөөхэ федеральна программада, үндэһэтэнэй түсэлдэ манай улас амжалтатайгаар хабаадажа, һуралсалай оньһон хэрэгсэлнүүдые худалдан абаһан байна. Эдэ хэрэгсэлнүүд саашадаа аймагай нэмэлтэ һуралсалай эмхинүүдтэ дамжуулагдаха.
«Олон үхибүүдтэ моделировани, программированида һонирхол түрүүлхэ, нэмэлтэ һуралсалай хэшээлнүүдтэ хабаадуулха шухала», - гэжэ түсэлэй хүтэлбэрилэгшэ, «Созвездие» түбэй захиралай орлогшо Борис Шульга тэмдэглэбэ.
