682
Улаан-Үдэ хотын Советскэ, Железнодорожно, Октябрьска хороонуудай Хүүгэдэй болон эдиршүүлэй уран бэлигэй түбүүдтэ Ородой Холбоото Уласай һурагшадай хүдэлөөнэй эдэбхитэдэй нэгэдэхи съездын пленарна суглаанууд октябриин 25-27-ной үдэрнүүдтэ үнгэрбэ.
Энэ хэмжээ ябуулгада уласай ниислэл хотын 51 һургуулинуудай түлөөлэгшэд хабаадаа. Бүхэроссиин һурагшадай хүдэлөөнэй ажаябуулга болон тэдэнэй үнгэргэгдэдэг конкурс, түсэлнүүдтэй үхибүүд танилсаһан байна. Тиихэдэ Ородой Холбоото Уласай һурагшадай хүдэлөөнэй гол һалбаринуудаар һонирхолтой мастер-классууд, тренингүүд үнгэргэгдөө. Энэ суглаанай дүнгүүдээр Улаан-Үдэдэ һурагшадай хүдэлөөнэй таһагуудые байгуулха тухай шиидхэбэри абтажа, тэрэниие хүтэлбэрилэгшэд һунгагдаба. Үхибүүд хотын һургуулинуудай түлөөлэгшэдһөө бүридэһэн һурагшадай штаб байгуулжа, хүтэлбэрилэгшэдые томилбо.
