689
Ородой Холбоото Уласай «Эрхим оюутан – 2017» гэһэн Ородой үндэһэтэнэй шангай Бүхэроссиин заочно шатын дүнгүүд согсологдоо. Тэрэнэй дүнгүүдээр Буряад уласай ехэ болон дунда мэргэжэлэй һургуулиин табан оюутад Бүхэросиин мүрысөөнэй очно шатада уласаа түлөөлхэ юм. «Эрхим оюутан – 2017» гэһэн хэмжээ ябуулгын түгэсхэлэй шата ноябриин 15-18-най үдэрнүүдтэ Крым уласай Симферополь хотодо үнгэргэгдэхэ юм.
Буряад уласай түлөөлэгшэдые нэрлэбэл, Зүүн Сибириин соёл урлагай ехэ һургуулиин оюутад Афанасьева Ольга Валерьевна болон Митиненко Илья Васильевич, Буряадай индустриальна техникумэй – Михайлов Максим Сергеевич, Зүүн Сибириин гүрэнэй технологическа ехэ һургуулиин – Гуртовая Софья Сергеевна, Буряад уласай Барилгын болон хотын ажахын техникумэй – Болоков Артём Владимирович гэгшэд болоно.
