​Тарбагатай аймагта үхибүүд голой эрье бог шоройһоо сэбэрлэбэ

Тарбагатай аймагай ниигэмэй-реабилитационно түбэй хүмүүжэмэлнүүд Байгаали хамгаалгын жэлдэ зорюулагдаһан «Сэбэр эрье» гэһэн байгаали хамгаалгын акцида хабаадаба.

Жэл бүри хабар, намартаа үхибүүд багшанартаяа хамта Тарбагатай тосхоной Куйтунка голой эрье бог шоройһоо сэбэрлэдэг заншалтай. Тиихэдэ ниигэмэй-реабилитационно түбтэ «Газар дэлхэй бог шоройһоо сэбэрлэе» гэһэн байгаали хамгаалгын хэшээлнүүд, зурагуудай мүрысөөн үнгэргэгдөө. Үхибүүд байгаали хамгаалга тухай ганса хэшээлнүүдһээ мэдэнэ бэшэ, харин экологическа хэмжээ ябуулгануудта хабаадажа, мэдэсэеэ үргэдхэнэ. Үшөө тиихэдэ хүмүүжэмэлнүүд шубуудай эдюурнуудые дархалаа, субботнигто хабаадаа.