810
Нижний Новгород хотодо октябриин 28-һаа ноябриин 1 болотор «Детский КиноМай» гэһэн буян үйлэдэлгын кинофестиваль үнгэрбэ. Энэ хэмжээ ябуулгада «Байкальские каникулы 2» гэһэн фильм харуулагдаһан байна.
Кинофестивалиин үедэ үхибүүдтэ зорюулагдаһан кинонуудай мүрысөөн, мүрысөөнһөө гадуур фильмнүүдэй харалга, зохёохы уулзалганууд, мастер-классууд эмхидхэгдээ, хүүгэдэй ниигэмэй эмхи зургаануудта хэмжээ ябуулганууд үнгэргэгдөө.
Мүрысөөндэ хабаадаһан кинофильмнүүдые үхибүүд сэгнэһэн байна. «Нижегородско можын хүмүүжүүлгын түбэй» болон можын хүүгэдэй номой сангай түлөөлэгшэд жюриин гэшүүд болоһон байна. Тэдэнэй шиидхэбэреэр, «Байкальские каникулы 2» харагшадай һайшаалда хүртэбэ.
Буряад Уласай Соёлой яаманай сайтһаа гэрэл зураг абтаба
«Байкальские каникулы 2» гэһэн кинофильмээ гадуур «Коробка» (найруулагша Эдуард Бордуков), «Einz, Zwei, Drei» (найруулагша Анна Багмет), «Частное пионерское -3» (найруулагша Александр Карпиловский), «Клад» (найруулагша Ирина Волкова), «В небо за мечтой» (найруулагша Игорь Перин), «Костя» (найруулагша Роман Каргаполов), «Осенью 41-го» (найруулагша Елена Борисова), «Его дочь» (найруулагша Татьяна Эверстова) гэһэн кинонууд энэ хэмжээ ябуулгада хабаадаһан байна.
«Байкальские каникулы 2» гэһэн фильм Эрхүү можын Байкальск хотодо болон Утулик тосхондо буулгагдаа. Фильм буулгалгада хоёр мянга миллион тухай мүнгэн гаргашалагдаа.
