685
Буряад Уласай Арадай Хуралай ээлжээтэ 26-дахи сессидэ 2017 оной заатагүй эмнэлгын даадхалай уласай жасын бюджедтэ хубилалтанууд оруулагдажа, 2018 энэ жасын бюджет хоёр уншалгада абтаба.
Даадхалай эмхиин хүтэлбэрилэгшэ Дамбинима Самбуевай хэлэһээр, тус жасын бюджет 2018 ондо 14 сая түхэриг байха. Тиихэдэ 2017 оной даадхалай жасын бюджет 317 сая түхэригөөр дээшэлжэ, хамтадаа 12 миллиард түхэриг болохо юм.
Буряад уласта заатагүй эмнэлгын даадхалай эмхи зургануудые байгуулгада, эмнэлгын һалбариин хүдэлмэрилэгшэдтэ нэгэ дахин түлэгдэхэ компенсацида, эмнэлгын һалбариин хүдэлмэрилэгшэдэй мэргэжэл дээшэлүүлгэдэ болон эмнэлгын хэрэгсэлнүүдые худалдажа абаха, тэдэниие заһабарилгада нэмэлтэ мүнгэн гаргашалагдаха.
