750
Ноябриин 3-4-нэй үдэрнүүдтэ Улаан-Үдэдэ Арадай нэгэдэлгын үдэртэ зорюулагдаһан соёлой хэмжээ ябуулганууд үнгэргэгдэхэ.
«Соёлой һүнинүүд» гэһэн программын хэмжээндэ ноябриин 3-4-нэй үдэрнүүдтэ ажаһуугшад түлбэригүйгөөр, кино, тоглолтонуудые, зүжэгүүдые хараха аргатай. Хотын музейнүүдтэ мастер-классууд, үзэсхэлэнгүүд, квестнүүд эмхидхэгдэхэ.
Улаан-Үдын Соёлой бүхы байшангуудта уран һайханай ород кинофильмнүүд харуулагдаха. Һайндэрые угтуулан, «Рассвет» түбтэ үндэһэтэнэй үдэрнүүдтэ зорюулагдаһан хэмжээ ябуулганууд үнгэргэгдэхэ.
Ноябриин 4-дэ Буряад драмын театрта Арадай нэгэдэлгын үдэртэ зорюулагдаһан «Вместе мы - Россия» гэһэн һайндэрэй тоглолто үнгэргэгдэхэ. Энэ үдэр Соведүүдэй талмайда хотын ажаһуугшадай митинг эмхидхэгдэхэ. Энэл үдэшын 17 сагта Буряадай драмын театрта «Наранай туяа» гэһэн Хүүгэдэй можо хоорондын эстрадна дууунай мүрысөөнэй гала-тоглолто үнгэрхэ. Оперо болон баледэй театрта үдэшын 18.30 сагта «Байгал» театрай һайндэрэй тоглолто эмхидхэгдэхэ юм.
Улаан-Үдэдэ ноябриин 4-нэй үдэшэ музей, театр, номой сангууд үүдээ сэлижэ, ажаһуугшадые угтан абаха. Зүжэгшэд болон соёлой хүдэлмэрилэгшэд худалдаа-наймаанай түбүүд болон амаралтын паркнуудта һонирхолтой уулзалганууд болон бусад хэмжээ ябуулгануудые үнгэргэхэ.
Буряад Уласай Засагай газарай мэдээсэлэй албанһаа гэрэл зураг абтаба.
