801
Мүнөөдэр Буряад Уласай Толгойлогшодо Улаан-Үдэ хотын захиргаан ажаһуугшадые уһаар хангалга тухай түсэблэлгын суглаанда тоособо.
Буряад Уласай Толгойлогшын даабаряар 2017 оной ноябриин 16-да «Водоканал» нютагай нэгэдэмэл үйлэдбэриин болон бусад эмхинүүдэй түлөөлэгшэдэй хабаадалгатайгаар Улаан-Үдэдэ уһанай һубагта болоһон гэнэ усалай болон бусад асуудалнуудаар суглаан үнгэргэгдэхэ.
Улаан-Үдэ хотын засаг дарга Александр Голковой хэлэһээр, уһанай һубагта болоһон гэнэ усалай хойшолонгууд 55 час 10 минутын туршада усадхагдаа. Ноябриин 9-дэ үдэшын 18 сагта ажаһуугшадай байрануудта уһан болюулагдажа эхилээ. 1969 ондо ашаглалгада тушаагдаһан 3276 метр утатай уһанай һубаг үмхиржэ, хуушаржа эбдэрһэн байна. Энэ һубаг 2015 оной октябрь һараһаа хойшо «Водоканал» гэһэн нютагай нэгэдэмэл үйлэдбэри түлбэритөөр ашаглажа байгаа.
Буряад Уласай Толгойлогшо ноябриин 9-дэ Засагай газарта гэнэ усалай хойшолонгуудые усадхаха талаар хотын захиргаанда туһа хүргэхэ тухай тусхай даабари үгэһэн байна. Ородой Холбоото Уласай Баталан хамгаалгын яаманай техникэ хэрэглэн, олзын хэрэг эрхилэгшэдэй болон һайн дураараа туһа хүргэгшэдэй ашаар хотын ажаһуугшад болон ниигэмэй эмхи зургаанууд уһаар хангагдаа.
Уһанай һубаг дүүрэн хүсэндөө хүдэлжэ эхилхын түлөө ноябриин 11-нэй үдэшын 23 саг болотор тэрэнэй хойшолонгуудые усадхаха талаар түсэб табигдаа. Ноябриин 11-нэй үдэшын 20.40 сагта Улаан-Үдэ хотын ажаһуугшад хүйтэн уһатай боложо эхилээ. Ноябриин арбан хоёрой һүниин 0.40 минутада бүхы гэр байрануудта хүйтэн уһан һубагаар ябуулагдажа, үглөөнэй 9 сагта ажаһуугшад уһаар хангагдаһан байна.
