​Арадай аман зохёол суглуулагша Мангатхан Маласагаевай гар бэшэгүүдэй үзэсхэлэн Улаан-Үдэдэ дэлгэгдэхэ

2017 оной ноябриин 17-до 16 сагта Үбэр Байгалай арадуудай угсаата зүйн музейдэ Буряад Уласай Гүрэнэй архив буряад арадай ёһо заншал, арадай аман зохёол суглуулжа бүридхэгшэ Мангатхан Маласагаевай түрэһөөр 150 жэлэй ойдо зорюулагдаһан үзэсхэлэн дэлгэхэ.

Мангатхан Маласагаев 1867 оной мартын 20-до Эрхүүгэй губерниин Шонтой нютагта түрэһэн юм. 1921 ондо тэрэ Буряад нютаг зөөжэ ерэһэн байна. Хэдэн жэлэй туршада Мангатхан Маласагаев Троицкосавска аймагай Янгаажанай, Гусиноозёрскын дасангуудта байрлажа, арадай аман зохёол, ёһо заншал суглуулжа, шэнжэлжэ эхилһэн намтартай.

Үзэсхэлэнэй үедэ харагшад Мангатхан Маласагаевай хубиин жасаһаа сэнтэй дансануудтай танилсаха аргатай.

– Мангатхан Маласагаевай жасада хадаа буряад арадай уг гарбал, ёһо заншал, ажабайдал тухай олон һонирхолтой мэдээсэл бии. Тэрэнэй гар бэшэгүүд дотор эхирид, булагад, хори угуудай угай һарбаалжан татагданхай. Эдэ гар бэшэгүүдэй ашаар буряад арадай ажабайдал болон тэдэнэй шажан мүргэл тухай мэдэнэбди, - гэжэ Гүрэнэй архивта тэмдэглэнэ.

Энэ үзэсхэлэн Үбэр Байгалай арадуудай угсаата зүйн арадуудай музейдэ «Юрта» комплексдо ноябриин 17-һоо дэлгэгдэхэ.

Буряад Уласай Соёлой яаманай сайтһаа гэрэл зураг абтаба.