648
Буряад Уласай Засагай газарта Элүүрые хамгаалгын яаманай хүтэлбэрилэгшые шэлэн абалгын мүрысөөнэй хоёрдохи шата үнгэргэгдэбэ.
Буряад Уласай Засагай газарай Түрүүлэгшын ниигэмэй хүгжэлтын талаар орлогшо Вячеслав Цыбикжапов түрүүтэй мүрысөөнэй комисси ноябриин 17-до Элүүрын хамгаалгын сайдай тушаалда зууршалагшадтай уулзажа, тэдэнэй программатай танилсажа, асуудалнуудые табиһан байна. Мүрысөөнэй хоёрдохи шатада 19 мэдүүлгэ оруулһан хүнүүдһээ, 18-ниинь хабаадаа. Тэрэнэй дүнгүүдээр, гурбан хүн мүрысөөнэй гурбадахи шатада хабаадаха юм. Мүрысөөнэй комиссиин 14 гэшүүд Буряад Уласай эмнэлгын даадхалай жасын хүтэлбэрилэгшэ Дамбинима Самбуевай түлөө дуугаа үгэһэн байна. Гусоноозёрскын аймагай түб больницын ахамад эмшэн Виктория Нилхановагай түлөө 19 хүн һунгаба. Н.А. Семашкын нэрэмжэтэ Уласай клиническэ эмнэлгын газарай ахамад эмшэн Евгения Лудуповагай түлөө 8 гэшүүд һунгаба.
Мүрысөөндэ хабаадагшад гурбадахи шатада тестировани гараха юм. Удаань тэдэнэр Буряад Уласай Толгойлогшо Алексей Цыденовтэй уулзаха.
