709
Буряад хэлэнэй болон уран уншалгын «Эрхим багша-2017» гэһэн уласай VI-дахи мүрысөөн ноябриин 22-һоо 24 болотор Уласай үндэһэтэнэй 1-дэхи лицей-интернат болон 29-дэхи гимназидаүнгэргэгдэхэ.
Буряад хэлэнэй багшанарые дэмжэхэ, ажалдаа зохёохы хандасатай һургагшадые урмашуулха, бэлигтэй багшанарай дүй дүршэлөөрнь хубаалдаха зорилготой мүрысөөн эмхидхэгдэнэ. Буряад Уласай аймагуудай болон Улаан-Үдын һургуулинуудай 20 түлөөлэгшэд хаба шадалаа туршаха юм. Багшанар мүрысөөнэй гурбан шата гараха болоно. Нэгэдэхи шатада танилсажа, мастер-класс болон һуралсалай хэшээл үнгэргэлгэдэ бүхы багшанар хабаадаха. Хоёрдохи «Түрэлхидэй суглаан» гэһэн шатада 10 хабаадагшад мүрысэхэ зэргэтэй. Гурбадахи «Найруулга» гэһэн мүрысөөндэ оройдол табан багшанар хаба шадалаа туршаха юм.
Мүрысөөндэ илагшадые амаршалгын баяр ёһолол Үндэһэтэнэй 1-дэхи лицей-интернадта ноябриин 24-дэ үнгэргэгдэхэ. Буряад Уласай Болбосоролой болон эрдэм ухаанай яаман «Буряад хэлэ сахин хүгжөөлгэ» гэһэн гүрэнэй программын хэмжээндэ мүрысөө үнгэргэнэ.
2016 ондо «Эрхим багша» гэһэн мүрысөөн уласхооондын хэмжээндэ үнгэргэгдөө гэжэ һануулнабди. 2016 оной мүрысөөндэ Буряад Уласай, Үбэр Байгалай хизаарай, Эрхүү можын, Монгол, Хитад гүрэнүүдэй буряад хэлэн болон уран уншалгын 32 багшанар хабаадаһан юм. Тэрэнэй дүнгүүдээр, Ивалга аймагай багша Наталья Ширапова амжалта туйлаа һэн. Тиихэдэ жэл бүри мүрысөөнэй хэмжээн һэлгэгдэхэ гэжэ шиидхэбэри абтаһан юм.
Буряад Уласай Болбосолой болон эрдэм ухаанай сайтһаа гэрэл зураг абтаба.
