687
Ноябриин 22-23-най үдэрнүүдтэ үнгэргэгдэхэ Байгалай хуралдаанда Буряад Уласай Засагай газарай ябуулжа байһан ажал олондо мэдээсэгдэжэ, хүн зоной тэдэнэй ажал хараха шухала гэһэн гол асуудалнуудай нэгээр хэлсэхэ юм.
Байгалай медиафорумдо олониитэтэй холбоо хүгжөөхэ КРОС компаниин вице-президент Леонид Бурмистров, CrosDigital агентствын хүтэлбэрилэгшэ Ольга Сивкова, Brand Analytics компаниин хүтэлбэрилэгшэ Василий Черный, Ород гүрэнэй нэгэ дугаар трэвэл-блогер Сергей Доля, «LAMPA PR» агентство эмхидхэгшэ, олониитэтэй холбооной зүбшэлэгшэ Евгения Лампадова, интернет сүлжээнэй мэргэжэлтэ шүүбэришэ Роман Гришин болон бусад федеральна хэмжээнэй мэргэжэлтэд хабаадаха.
Гүрэн түрын хэжэ байһан ажал яажа олондо мэдээсэхэб гэжэ дэлхэйн дүй дүршэлһөө, мэдээсэл дуулгаха шэнэ онол арганууд тухай хуралдаанда мэргэжэлтэ шүүбэришэдэй дискуссинууд эмхидхэгдэхэ. Ноябриин 23-да Буряадай гүрэнэй ехэ һургуулида үнгэргэгдэхэ «Маркетинг территорий» гэһэн дискуссида Буряад Уласай Толгойлогшо Алексей Цыденов хабаадалсажа, уласай булюу талануудые олондо мэдүүлхэ, һурталшалха тухай хэлсэхэ юм.
Буряад хэлэ сахин хүгжөөлгэдэ олондо мэдэээсэл тараадаг хэрэгсэлнүүдэй үүргэ тухай хуралдаанай үедэ дүхэриг шэрээ үнгэргэгдэхэ. Һонирхолтой, амжалтатай сайт бага дэлгүүртэ байгуулһан тухай дүй дүршэлөөрөө хизаарламал харюусалгатай «Издательский дом «БукЪвица» бүлгэмэй захирал, Ородой Холбоото Уласай эрхим сонин нэгэнтэ бэшэ болоһон «Курьер. Среда. Бердск» гэһэн хубиин сониной ахамад эрхилэгшэ Галина Каморникова хубааладаха.
Байгалай хуралдаа Буряад Уласай Толгойлогшын болон Засагай газарай захиргаанай мэдээсэлэй бодолгын хороон, «Информ Полис» хэблэлэй байшан, Буряадай гүрэнэй ехэ һургуули эмхидхэнэ.
Буряад Уласай Засагай газарай мэдээсэлэй албанһаа гэрэл зураг абтаба.
