865
Буряад Уласай Толгойлогшо Алексей Цыденов аймагуудай, хотын тойрогуудай засаг дарганартай уулзажа, аймагуудай ажаябуулга сэгнэжэ, гэр байрын ажахын, элүүрые хамгаалгын, бог шорой усадхалга болон бусад асуудалнуудаар зүбшэн хэлсэбэ.
Зүблөөнэй эхиндэ уласай хүтэлбэрилэгшэ эрхим табан аймагууудые амаршалба. 2016 оной тоо баримтануудаар аймагуудай болон хотын тойрогуудай нютагай засагай байгууламжын ажал согсологдожо, дүн гаргагдаа. Тэрэ дүнгүүдээр, Хори аймаг эрхимлээ. Хори аймагай гулваа Юрий Ширабдоржиевта дамжуулагдажа байха кубок Алексей Цыденов барюулба. Тиихэдэ 2-дохи һуурида – Бабанта, 3-дахи һуурида– Сэлэнгэ, 4-дэхи һуурида – Аха, 5-дахи һуурида Тарбагатай аймагууд хүртэһэн байна.
Бог шорой суглуулха, усадхаха асуудалаар Буряад Уласай Байгаалиин нөөсэнүүдэй сайдай уялга дүүргэгшэ Анатолий Соковиков һалбарида шэнэ тодорхой гурим нэбтэрүүлхэ тухай элидхэбэ. Улас дотор бог шорой суглуулха, усадхаха гурбан газар элирүүлэгдэнхэй. Тэрэ газар бүхэндэнь уласай оперотор томилогдожо, тэдэнэр бог шорой суглуулха, усадхаха талаар хэлсээнүүдые баталха юм. «Оршон байгаалияа хамгаалга болон байгаалиин нөөсэнүүдые бодомжотойгоор ашаглалга» гэһэн Буряад Уласай гүрэнэй программаар эдэ хэмжээ ябуулганууд үнгэргэгдэнэ.
Тиихэдэ аймагуудай фельдшерскэ-акушерскэ пунктнуудта эмшэдэй дутагдал болон холо оршодог аймагуудта эмүүдые дамжуулха талаар зүблөөндэ хэлсэбэ. Энэ асуудалаар Буряад Уласай Элүүрые хамгаалгын сайдай уялга дүргэгшэ Александр Занданов элидхэл хэбэ. Тэрэнэй хэлэһээр, улас дотор эмнэлгын һалбариин дундахи шатын мэргэжэлтэд дуталдана. Энэ талаар Буряад Уласта «Элүүрые хамгаалгын хүгжэлтэ» гэһэн гүрэнэй прораммада «Элүүрые хамгаалгын һалбари ажалшадаар хангалга» гэһэн подпрограмма абтаһан байна. Програмын хэмжээндэ, 2017 ондо уласай һанһаа 16,5 сая түхэриг һомологдожо, бага хотонуудта 17 эмшэд, фельдшерскэ-акушерскэ пунктда 23 хүдэлмэрилэгшэд ерэһэн байна.
Буряад Уласай Барилгын болон гэр байрын ажахы шэнэдхэлгын сайд Николай Рузавин зүблөөндэ хабаадаа. Нютагай засагай байгууламжанууд гэр байрануудые бариха, ашаглаха, болсбосон түхэлтэй болгохо талаар ажал өөһэдөө эмхидхэхэ болоно. Шэнэ гэрнүүдые барижа, тэрэниие ашаглалгада тушаагдаһан тухай элидхэхэ гэжэ ааймагуудай хүтэлбэрилэгшэдтэ дурадхагдаһан байна. Тиихэдэ 2018-2020 онуудта гэр байрануудай, байшангуудай газар болбосон түхэлтэй болгохо, эрэмдэг бэетэй зоной гэр байра, олон байратай гэрнүүдэй зөөөри шалгаха комисси байгуулха талаар нютагай засагай байгууламжын программа абтаха ёһотой юм.
Буряад Уласай Засагай газарай мэдээсэлэй албанһаа гэрэл зураг абтаба.
