847
Хойто Байгалай хотодо үхибүүдтээ, ашанартаа хэрэггүй болоһон наһажаал зон өөрын гэртэй болоо.
Буряад Уласай толгойлогшо Алексей Цыденов албанай хэрэгээр Хойто Байгалай хотодо ябахадаа, эндэ гансаардаһан наһажаал зондо түб нээхэ тухай хэлсэбэ. Хүн зондо ниигэмэй талаар хамгаалалгын Хойто таһаг энэ даабарииень бүтээгээ.
Наһажаал зоной “хүүгэдэй сэсэрлиг” гээд хойто байгалайхид шэнэ түбые нэрлэбэ. Энэ гэртэ наһатай зондо зохид ажабайдал байгуулагдаа. Иишээ ерэжэ байрлаһан зон үри хүүгэдтээ, ашанартаа хэрэггүй болонхой. Иимэ зон хүндэ этигэхэеэ болидог. Тиимэһээ шэнэ байшанда байрлахадаа, жаргалтай зохидоор ажаһуухабди гээд тэдэнэртэ этигэхэдэнь тон хэсүү хэбэртэй.
Наһажаал зоной хүүгэдэй сэсэрлигтэ ариг сэбэр таһагууд бии. Үдэрэй 4 дахин хоол баридаг, түбэй мэргэжэлтэд наһатай зондо ходо анхаралаа хандуулжа байха.
